سعودی عرب نے اس ماہ کی تیس تاریخ کو خلیج اور عرب ملکوں کے رہنمائوں کا ہنگامی سربراہ اجلاس طلب کیا ہے۔سعودی وزیر خارجہ عادل الجبیر نے جدہ میں ایک بیان میں کہا کہ سربراہ اجلاس میں اس ہفتے سعودی عرب اور پڑوسی ملک متحدہ عرب امارات پر ہونے والے حملوں کے اثرات پر غور کیا جائے گا۔انہوں نے کہا کہ سعودی عرب جنگ ٹالنا چاہتا ہے تاہم ایران کی طرف سے جنگ چھیڑنے کی صورت میں پوری قوت سے جواب دینے کیلئے تیار ہے۔اتوار کو متحدہ عرب امارات کے ساحل پر چار کمرشل بحری جہازوں کو نقصان پہنچایا گیا اور دو دن بعد ڈرون طیاروں نے سعودی دارالحکومت ریاض میں تیل کی تنصیبات پر حملہ کیا۔
آپ کی راۓ