دنیامیں کورونامریضوں کی تعداد25لاکھ56ہزار سے بڑھ گئی

دنیا بھر میں کورونا مریضوں کی تعداد25 لاکھ  56 ہزار هوگئی ہے۔1 لاکھ 70 ہزارسے زائد اموات ہوئی ہیں جب کہ  6لاکھ 90 ہزار سے زائد صحت یاب ہو چکے ہیں۔

امریکا میں آٹھ لاکھ سے زائد افراد کورونا وائرس سے متاثر ہوئے ہیں۔ گزشتہ24 گھنٹوں کے دوران اٹھائیس سو سے زائد افراد چل بسے ہیں اور مجموعی اموات پینتالیس ہزار سے زائد ہوگئی ہیں۔

نیویارک میں کورونا کے دو لاکھ چھپن ہزار سے زائد کیسز ہیں اور انیس ہزار سے زائد ہلاکتیں ہو چکی ہیں۔ ریاست نیو جرسی میں کیسز  بانوے ہزار سے بڑھ گئے ہیں۔امریکی صدر نے پناہ گزینوں کے امریکہ میں داخلہ پر پابندی کا اعلان کردیا ہے۔ پناہ گزینوں کے داخلے پر پابندی کا اطلاق 60 دنوں کےلیے ہوگا۔

فرانس میں کورونا بیس ہزار سات سو سے زائد جانیں نگل گیا اور ایک لاکھ اٹھاون ہزار سے زیادہ کیسز رپورٹ ہوچکے ہیں۔ جرمنی میں کورونا کے ڈیڑھ لاکھ کے قریب کیسز ہیں اور  پانچ  ہزار سے زائد افراد ہلاک ہوئے ہیں۔