کورونا وائرس: بلائے آسمانی اور تباہی کا نیا سامان

محمد ہارون محمد یعقوب انصاری/ چیف ایڈیٹر:ہفت روزہ صدائے عام اردو نیپال

اللہ نے  کورونا وائرس کی شکل میں جو وباء ہم پر مسلط کیا اس سے قیامت کا منظر صاف دکھائی دے رہاہے ہرکوئی ایک دوسرے بیگانہ نظر آتاہے،جس طرح قیامت قائم ہوگی لوگ نفسی نفسی کے عالم میں ہونگے کوئی کسی کا یارومددگار نہیں ہوگا ہرکوئی ایک دوسرے سے نظریں چرائیں پھریں گے من وعن آج دیکھنے کومل رہا ہے کہ بیٹا یا بیٹی وائرس کے زد میں والدین بھائی بہن چاہ کر بھی اس کو لمس نہیں کرتے کیونکہ ان پر موت کا خوف طاری ہوچکا ہے کہ اگر ہم اس کے شکارہوئے تو کیاپتہ جان چلی جائے۔دنیامیں جس طرح امواتیں ہوئی ہیں اسی بقدر دردناک طریقے سے انہیں دفنایا بھی گیا ہے ،حال یہ ہے کہ مقبرے تابوت کم پڑرہے ہیں ،تجزیہ نگاروں کے حساب سے تابوت کا انتظام کرایا جارہا ہے ،ایک ساتھ سیکڑوں لوگوں کو دفنایا جارہا ہے ،نعش کو قریبی لوگوں سے دور رکھاجاتا ہے اور نہ ہی آخری زیارت کرنے کا موقع دیاجاتاہے کیونکہ وائرس کا خوف سبھی کے دل ودماغ کو چڑھاہواہے،کہیں کہیں تو رسی سے نعش کو قبر میں اتارتے دیکھنے کو ملا اللہ ہم سب کو دردناک موت سے بچائے اور اپنی عذاب کو ہم سے دور رکھ مولا۔
احتیاطی تدابیر اپنانے کا ہمارے سرکاریں فرمان جاری کی ہوئی ہیں اور مساجد ،گرجاگھر،مندر اور دیگر عبادتگاہوں کو مکمل طور پر بند کرادیاگیا ہے تاکہ یہ متعدی موزی بیماری ایک دوسرے کے اندر سرایت نہ کرے یہ ایک احتیاطی تدابیر ہی ہے او ر کچھ نہیں،عالمی ادارئہ صحت کے مطا بق اس کی کوئی میڈیسین نہیں ہے ،یہ عالمی وباءہے جس سے محفوظ رہنے کے لئے صرف احتیاط کرنا ہی بتایاجارہا ہے اس لئے ضروری ہے کہ ہم اپنے حکومت کے ذریعہ جاری کردہ ہدایات پر پوری طرح عمل کریں ،تاکہ اس وباءسے بچا جاسکے۔اللہ کے رسول ﷺ نے فرمایا کہ کہیں کوئی بیماری پھیل جائے تو آدمی اپنی جگہ کو چھوڑکر دوسری جگہ منتقل نہ ہو اور دوسروں کو بیماری سے بچائے اور قضاءاور قدر پر پورا ایمان رکھے اگر وہ اس بیماری کا شکار ہوا اور موت ہوئی گئی تو وہ شہید ہوگا۔اس بات کا بھی ہمیں دھیان دینا چاہئے ۔
ہم سب اور پوری انسانیت اللہ وحدہ لاشریک کے سامنے سجدہ ریزہوکر اپنے گناہوں کی معافی طلب کرے،توبہ اور استغفار کرے تو یہ وباءاللہ ہم سے ختم کردے گا،کیونکہ اللہ رب جل جلالہ اپنے بندے سے اس وقت خوش ہوتا ہے جب گناہ کرنے کے بعد اس کے بارگاہ میں حاضری دے کر اپنے گناہوں کی معافی مانگتاہے ایسے میں اللہ اسکو معاف فرمادیتاہے اللہ غفور رحیم ہے ۔اللہ نے قرآن پاک میں فرمایا تم مجھ کو پکارو میں تمہارے پکار سنتاہوں ،تم مجھ سے فریاد کرو میں تمہارے فریادرسی کرتاہوں۔یقینا اللہ معاف کرنے والا اور رحم کرنے والا ہے ۔