انگلینڈ دورہ پر جانے سے پہلے پاکستانی کرکٹر شعیب ملک جاییں گے ہندوستان ، جانئے کیا ہے وجہ

حیدرآباد / ایجنسی

کورونا وائرس کی وجہ سے جہاں ملک کے اندر ہی لوگ ایک دوسرے سے نہیں مل پا رہے ہیں ، ایسے میں بیرون ممالک میں پھنسے لوگوں کیلئے اپنے کنبہ سے ملنا اور بھی زیادہ مشکل ہوگیا ہے ۔ ہندوستانی ٹینس اسٹار ثانیہ مرزا  اپنے بیٹے اذہان کے ساتھ حیدرآباد میں رہ رہی ہیں ، وہیں ان کے شوہر اور پاکستانی کرکٹر شعیب ملک  پاکستان میں ہیں ۔ تقریبا پانچ مہینے کے بعد اب شعیب ملک اپنی بیوی اور بچے سے ملنے کیلئے ہندوستان آنے والے ہیں ۔

دراصل پاکستان کرکٹ ٹیم  کو اس مہینے انگلینڈ کے دورے پر جانا ہے ۔ حالانکہ شعیب ملک دورہ سے پہلے اپنے کنبہ سے ملنے ہندوستان آئیں گے ۔ پی سی بی چیف ایگزیکٹو نے بتایا کہ ہم سب اپنے کنبہ سے مل چکے ہیں ، لیکن شعیب ملک گزشتہ پانچ مہینے سے اپنی بیوی اور بچے سے دور ہیں ۔ اب جبکہ لاک ڈاون میں کچھ رعایت دی جارہی ہے تو سبھی اس بات پر راضی ہیں کہ شعیب ملک کو ان کے کبنہ سے ملنے کی اجازت دی جائے ۔ ہم نے انگلینڈ اور ویلس کرکٹ بورڈ سے بات کی ہے کہ شعیب 24 جولائی کو انگلینڈ پہنچیں گے اور اس کے بعد وہاں کے ضابطے کے مطابق خود کو کوارنٹائن کریں گے ۔