اے مرے پیارے وطن ! تجھکو محبت کا سلام

اے مرے پیارے وطن !  تجھکو محبت کا سلام

تیری عظمت سے محبت تیری نسبت ہے تمام

مختلف دین و ثقافت سے وطن آباد ہے

ہم کو کرنا ہے سبھی کا جان و دل سے احترام

اے حکومت ! سچ بتا؟ آخر یہ تو نے کیا کیا ؟

"دو رخا ” سے آج خطرے میں ہے جمہوری نظام

کس بنا ء پر کر لئے ہو تم سیاسی اتحاد

امن سے انصاف آئے گا تزک و احتشام  

اے وطن کی سالمیت ! عصبیت کو بھول جا

سب ہیں نیپالی ملے نیپال میں جائز مقام

اے ہمالہ ! جھک نہ جائے عدل  کا پرچم کہیں

تو محبت کی نشانی ،تو اخوت کا پیام

آہ ! انصر آبرو رکھ لے یہی  فریاد ہے

جذبہ حب الوطن سے شاد ہے ہر خاص و عام –

دعوت فکر و عمل : انصر نیپالی