لاہور/ ایجنسی

حکومت پاکستان نے قومی ٹیم کو ٹی 20 ورلڈ کپ 2026 میں شرکت کی مشروط اجازت دے دی۔

پاکستانی وزیراعظم شہباز شریف اور چیئرمین پاکستان کرکٹ بورڈ (پی سی بی) محسن نقوی کی دوسری ملاقات کا نتیجہ سامنے آگیا۔

حکومت پاکستان نے ٹیم کو ورلڈکپ میں شرکت کی منظوری دی ہے اور صاف کہہ دیا کہ پاکستان اور بھارت کے درمیان 15 فروری کو ہونے والا میچ نہیں کھیلے گا۔

سماجی رابطے کی ویب سائٹ پر جاری بیان میں کہا گیا کہ حکومت اسلامی جمہوریہ پاکستان کی کرکٹ ٹیم آئی سی سی ٹی 20 ورلڈ کپ 2026ء میں شرکت کی منظوری دیتی ہے۔

بیان میں مزید کہا گیا کہ پاکستانی ٹیم ایونٹ میں بھارت سے شیڈول میچ میں حصہ نہیں لے گی۔