مولانا مشہود نیپالی کی وزیر اعظم پرچنڈ سے ملاقات؛ مدارس کے مسائل سے متعلق وزیراعظم کی توجہ مبذول کرائی

کٹھمنڈو / کئیر خبر
لمبنی صوبہ مدرسہ مینجمنٹ کمیٹی کے نائب صدر مولانا مشہود خان نیپالی اور ان کی ٹیم نے آج وزیر اعظم پشپا کمل دہال (پرچنڈ) سے ملاقات کی اور مدرسہ کے نظم و نسق کے حوالے سے ایک یادداشت پیش کی۔

جس میں مطالبہ کیا گیا ہے کہ مدارس میں پڑھانے والے اساتذہ کو مستقل سرکاری اساتذہ کی شرح پر ان کا تعین ہو –

صوبہ لمبنی کی مدرسہ مینجمنٹ کمیٹی کے نائب صدر مولانا مشہود خان نے بتایا ہے کہ مدارس کو دی جانے والی سالانہ سبسڈی کو دو لاکھ اکتالیس ہزار سے بڑھا کر دس لاکھ کرنے کا مطالبہ کیا گیا ہے۔

نائب صدر مشہود نے بتایا کہ وزیر اعظم مدارس کے بارے میں مثبت ہیں اور یقین دلایا ہے کہ مدارس کے مسائل ضرور حل کیے جائیں گے۔

نیپال کی قومی مدرسہ ایسوسی ایشن کے نائب صدر شیخ جیش مکی نے نائب صدر خان اور لمبنی صوبہ مدرسہ مینجمنٹ کمیٹی کے مشیر میگھناتھ ڈھکال کے ساتھ وزیر اعظم سے ملاقات کی اور مدارس کے نظم و نسق کی طرف توجہ مبذول کرائی۔