نیپال: ایندھن کی قیمتوں میں پھر اضافہ؛ ١٦٠ روپیۓ فی لیٹر پٹرول؛ پکوان گیس ١٦٠٠ فی سلنڈر

کٹھمنڈو/ كيئر خبر

نیپال آئل کارپوریشن نے ایک بار پھر ایندھن کی قیمت میں اضافہ کر دیا ہے۔ کارپوریشن نے بدھ سے پٹرول، ڈیزل اور مٹی کے تیل کی قیمتوں میں 5-5 روپے فی لیٹر کا اضافہ کیا ہے۔

اب وادی کٹھمنڈو میں پٹرول کی قیمت 160 روپے فی لیٹر اور ڈیزل اور مٹی کے تیل کی قیمت 143 روپے فی لیٹر ہو گی۔

آئل کارپوریشن نے ایندھن کی قیمت یہ کہہ کر بڑھا دی کہ خسارہ بڑھ گیا ہے۔ اسی طرح پکوان گیس کی قیمت میں 25 روپے فی سلنڈر اضافہ کر کے 1600 روپے کر دیا گیا ہے۔

اس سے قبل کارپوریشن نے 20 مارچ کو پیٹرولیم مصنوعات کی قیمتوں میں اضافہ کیا تھا۔