تعلیمی میدان میں نمایاں خدمات کے لئے صغیر خاکسار کو اعزاز

بلرام پور/ کئیر خبر
مختلف سماجی، تعلیمی، اور کھیلوں کی تنظیموں سے منسلک صحافی اور جے ایس آئی اسکول پچپیڑوا، بلرام پور کے بانی مینیجر مسٹر صغیر خاکسار، کو اتوار کو منعقدہ ٹیلنٹ سرچ ایوارڈ اور انعامات کی تقسیم کی تقریب میں تعلیم کے میدان میں ان کی نمایاں خدمات کے لیے سرو شکشا سمیتی نے ڈاکٹر ایس ایف ایچ رضوی (ریٹائرڈ چیف ڈیولپمنٹ آفیسر کاس گنج) کے ذریعہ انھیں اعزاز سے نوازا۔
خاکسار اس وقت تعلیم کے میدان میں کام کرنے والی تنظیم تعلیم بیداری یوپی کے صدر ہیں اور کمیٹی کی درخواست پر وہ پچپیڑوا میں واقع اپنے جے ایس آئی اسکول میں غریب طلبہ کو مفت تعلیم بھی فراہم کررہے ہیں۔ جوبلی پوسٹ میڈیا گروپ کی طرف سے انھیں گزشتہ سال بہترین نامہ نگار ڈیجیٹل ایوارڈ سے نوازا گیا تھا ۔
وہ فی الحال جاگریتی اسپورٹنگ کلب کے کنوینر اور ڈسٹرکٹ اولمپک ایسوسی ایشن سدھارتھ نگر کے جوائنٹ سکریٹری ہیں۔ وہ ویمن پاور فاؤنڈیشن سدھارتھ نگر کے کوآرڈینیٹر بھی ہیں۔
خاکسار نے تقریباً ڈھائی دہائی قبل نیشنل ہیرالڈ گروپ کے اخبار نوجیون سے صحافت کا آغاز کیا تھا۔جس کی بنیاد جواہر لعل نہرو نے رکھی تھی اور اس کا نام مہاتما گاندھی نے رکھا تھا۔وہ اس وقت انڈو نیپال پوسٹ کے نام سے ایک ویب پورٹل بھی چلا رہے ہیں۔ عصری موضوعات پر ان کے مضامین اکثر ملک کے قومی اخبارات اور رسائل میں شائع ہوتے ہیں۔
اس موقع پر چیف ڈپٹی لیبر کمشنر شمیم ​​اختر، ڈاکٹر وسیم اختر، حسام الدین، نہال احمد، کنیز فاطمہ، کٹھمنڈو سے صحافی عبد الصبور ندوی انور علی شاہ ڈاکٹر عبد المبین خان مہاراشٹر کے انس، افروز ملک، جھارکھنڈ کے خالد اقبال، مدھیہ پردیش کے خالد منصوری، بہار کے اسحاق انصاری، اختر حسین، دہلی کی ہما شاہ اور دیگر شامل تھے۔ ، ڈاکٹر جاوید عالم خان، اتراکھنڈ کے عمران خان، شاہدہ خان، ڈاکٹر رابعہ خان، نجمہ اقبال، یوپی کے ایم یو جمیل صدیقی، امام الدین، دنیش مشرا، اودھیش گپتا، کشن سریواستو، شاہد خان، رویندر ورما، سچن سونی، محمد ابراہیم۔ ، نظام احمد، جمال احمد، راہول موڈنوال، جاوید اشرف، احسان خان وغیرہ نے مبارکباد دی ہے۔