بھارت میں ہندو نسل پرستی اور اسلامو فوبیا نے انتہائی مہلک شکل اختیار کرلی: نوم چومسکی

واشنگٹن / ایجنسی

امریکی دانشور نوم چومسکی نے مودی حکومت کی مسلمان مخالف پالیسیوں کی سخت الفاظ میں مذمت کی ہے۔ 

ایک ویڈیو بیان میں نوم چومسکی کا کہنا تھا کہ بھارت میں اسلامو فوبیا نے انتہائی مہلک شکل اختیار کرلی ہے، جس نے 25 کروڑ مسلمانوں کو ایک مظلوم اقلیت میں تبدیل کردیا ہے۔

انھوں نے کہا کہ مودی حکومت منظم طریقے سے بھارت کی سیکولر جمہوریت کا خاتمہ کرکے اسے ایک ہندو نسل پرست ریاست میں تبدیل کررہی ہے۔

نوم چومسکی نے کشمیر کی صورتِ حال کا موازنہ فلسطین سے کرتے ہوئے کہا کہ کشمیر میں بھارت کے خوف ناک جرائم کی ایک طویل تاریخ ہے۔ ہندو قوم پرست مودی حکومت نے انہیں بڑھاوا دیا ہے۔

انھوں نے کہا کہ کشمیر کے حالات بہت حد تک مقبوضہ فلسطین سے ملتے جلتے ہیں۔