 |
 |
 |
 |
|
|
|
|
مسقط/ ایجنسی
ٹی ٹوئنٹی ورلڈکپ کے آغاز میں پہلا اپ سیٹ ہوگیا، اسکاٹ لینڈ نے بنگلا دیش کو 6 رنز سے شکست دیدی۔
الامارات کرکٹ گراؤنڈ مسقط میں کھیلے گئے میچ میں بنگلا دیش کی ٹیم نے ٹاس جیت کر اسکاٹ لینڈ کو پہلے بیٹنگ کی دعوت دی۔
اسکاٹ لینڈ کی ٹیم مقررہ 20 اوورز میں 140 رنز بنانے میں کامیاب ہوئی۔
بنگلہ دیشی بولرز نے اسکاٹ لینڈ کے بلے بازوں کو کھل کر نہ کھیلنے دیا جہاں 12ویں اوور میں 53 کے مجمعے پر 6 اسکاٹش کھلاڑی پویلین لوٹ چکے تھے۔
ایسے میں کرس گریووز نے مارک میٹ کے ساتھ پہلے 52 رنز کی شراکت بنائی اور پھر جوش ڈیوی کے ساتھ 27 رنز کی پارٹنر شپ بنا کر ٹیم کو اچھے ٹوٹل تک پہنچایا۔
کرس گریووز 45، جارج منسے 29 اور مارک واٹ 22 رنز بنا کر نمایا کھلاڑی رہے جبکہ دیگر کسی بلے باز نے خاطر خواہ کارکردگی نہیں دکھائی
بنگلا دیش کی جانب سے مہدی حسن میراز نے 3 جبکہ شکیب الحسن، مستفیض الرحمان کے حصے میں 2، 2 اور تسکین احمد اور محمد سیف الدین کے حصے میں ایک ایک وکٹ آئی۔
ہدف کے تعاقب میں بنگلا دیشی ٹیم نے محتاط آغاز کیا، تاہم اسکاٹ لینڈ کے بولرز کی نپی تلی بولنگ کے باعث بنگلا دیشی بیٹسمین برق رفتاری سے رنز نہیں بٹور سکے۔
بنگلا دیش کی ٹیم مقررہ 20 اوورز میں 7 وکٹوں کے نقصان پر 134 رنز ہی بناسکی اور 6 رنز سے شکست کا منہ دیکھنا پڑا۔
مشفق الرحیم 38 رنز کے ساتھ نمایاں رہے، جبکہ کپتان محموداللّٰہ 23 اور شکیب الحسن 20 رنز ہی بناسکے
دوسری جانب ورلڈکپ کے کوالیفائنگ راؤنڈ کے پہلے میچ میں میزبان عمان نے پاپوا نیو گنی کو 10 وکٹوں سے ہرادیا۔
الامارات کرکٹ اسٹیڈیم میں کھیلے گئے اس میچ میں پاپوا نیو گنی نے پہلے بیٹنگ کرتے ہوئے عمان کو 130 رنز کا ہدف دیا۔
پاپوا نیو گنی کے کھلاڑی میزبان عمان کے بولرز کے سامنے بے بس نظر آئے اور مقررہ 20 اوورز میں 9 وکٹوں کے نقصان پر 129 رنز ہی بناسکے۔
پی این جی کی جانب سے صرف کپتان اسداللّٰہ والا 56 اور چارلس امینی 37 رنز بنا کر نمایا رہے۔
عمان کے ذیشان مقصود نے 20 رنزدے کر چار وکٹیں حاصل کیں جبکہ کلیم اللّٰہ اور بلال خان نے دو دو کھلاڑیوں کو آؤٹ کیا۔
ہدف کے تعاقب میں عمانی اوپنرز نے پہلی مرتبہ ایونٹ میں شرکت کرنے والی پاپوا نیو گنی کے بولرز کی درگت بنادی۔
جتندر سنگھ نے 42 گیندوں پر 73 رنز کی ناقابل شکست اننگز کھیلی جبکہ عاقب الیاس بھی 50 رنز پر ناٹ آؤٹ رہے
آپ کی راۓ