بٹول میں پولیس اور سوکمباسیوں کے مابین تصادم؛ کرفیو نافذ

بٹول/ کیئر خبر

بٹول کے موتی پور انڈسٹریل ایریا میں آج سوکمباسیوں کے ساتھ تصادم کے دوران پولیس نے فائرنگ کی۔ جس سے  صورتحال کشیدہ ہوگئی ہے۔

روپندہی کے چیف ڈسٹرکٹ آفیسر رشی رام تیواری نے تصادم کے دوران پولیس کی فائرنگ کی تصدیق کی۔ میڈیا رپورٹس میں بتایا گیا ہے کہ جھڑپ میں کچھ لوگ زخمی بھی ہوئے ہیں۔

کشیدگی اس وقت بڑھ گئی جب انتظامیہ نے سوکمباسیوں۔ عارضی مکینوں کو نکالنے کی کوشش کی۔ پولیس نے ہفتے کی صبح ایک بجے کے قریب 31 سالہ ہمال رانا کو گرفتار کرنے کے بعد سوکمباسی مشتعل ہوگئے۔

بگڑتے ماحول کے پیش نظر بٹول میں غیر معینہ مدت کے لئے کرفیو نافذ کردیا ہے۔