کٹھمنڈو ، 24 اپریل:

نیپال نے تریبھوون یونیورسٹی کرکٹ گراؤنڈ ، کیرتی پور میں منعقدہ سہ فریقی ٹی 20 سیریز کے فائنل میچ میں نیدرلینڈ کے خلاف آسان جیت درج کرلی ہے۔ 

نیدر لینڈ کی لائن اپ ٹھوکر کھا گئی اور 239 رنز کے ہدف کے تعاقب کے دوران صرف 96 رنز ہی بنا سکی۔ مہمان ٹیم 18 ویں اوور میں اپنی تمام وکٹیں گنوا بیٹھی۔ 

ڈچ ٹیم کے ذریعہ پہلے بیٹنگ کی دعوت دیئے جانے کے بعد ، نیپال نے مقررہ 20 اوورز میں تین وکٹوں کے نقصان پر 238 رنز کے مجموعی اسکور بنائے۔ نیپال کی جانب سے ٹی -20 انٹرنیشنل میں یہ اب تک کا سب سے زیادہ رن ہے۔ نیپال ، کوشل بھورتیل کے 53 گیندوں پر 77 رنز اور کوشل مللہ کے 24 گیندوں پر 50 رنز کی ناقابل شکست رنز کی بدولت ایک بہت بڑا مجموعی اسکور کرنے میں کامیاب رہا۔ نائب کپتان دیپیندر سنگھ نے 48 رنز بنائے اور گیانیندرا مللہ نے نیپال کی اننگز میں 33 رنز کا اضافہ کیا۔ 

بولنگ ڈپارٹمنٹ میں ، نیپال کے کرن کے سی نے دو ڈچ بلے بازوں کو پویلین بھیجا جبکہ کمل سنگھ ایری اور سندیپ لامیچھانے نے دو دو وکٹیں حاصل کیں۔ نیپال کی عمدہ فیلڈنگ کی بدولت دورہ کرنے والی ٹیم کے دو دیگر بیٹسمین رن آؤٹ ہوگئے۔ 

کرن کے سی کو میچ کا بہترین کھلاڑی قرار دیا گیا۔