سعودی شاہی خاندان کے 150؍ افراد کورونا وائرس کا شکار

10 اپریل, 2020

  سعودی عرب کے شاہی خاندان کے درجنوں افراد کے کورونا وائرس میں مبتلا ہونے کا انکشاف ہوا ہے جبکہ ریاض کے گورنر اور سینئر سعودی شہزادہ کو آئی سی یو میں بھرتی کر دیا گیا ہے۔

 شاہی خاندان کے کئی دیگر افراد کے بھی مرض میں مبتلا ہونے کی اطلاعات موصول ہو رہی ہیں جبکہ آل سعود خاندان کے علاج کیلئے مقرر ڈاکٹروں اور مخصوص اسپتالوں میں 500؍ خاص بستروں کا انتظام بھی کر دیا گیا ہے کیونکہ متاثرین کی تعداد بڑھنے کا خدشہ ظاہر کیا گیا ہے۔

رپورٹ میں بتایا گیا ہے کہ تقریباً 150؍ شاہی خاندان کے افراد متاثر ہیں۔ نیو یارک ٹائمز کی رپورٹ کے مطابق، شاہی خاندان کے افراد کے علاج کیلئے جو الرٹ جاری کیا گیا ہے اس میں بتایا گیا ہے کہ ’’ملک بھر سے شاہی خاندان کے افراد کے علاج کیلئے تیار رہیں‘‘ یہ الرٹ کنگ فیصل اسپیشلسٹ اسپتال کی طرف سے سینئر ڈاکٹروں کو بھیجا گیا ہے۔

 نیویارک ٹائمز کو اس کی نقل موصول ہوئی ہے۔ الرٹ میں لکھا ہے کہ ’’ہمیں نہیں معلوم کہ متاثرین کی کتنی تعداد کا علاج کرنا ہوگا لیکن صورتحال کیلئے ہائی الرٹ رہنا ہوگا، تمام دیگر مریضوں کو دیگر مقامات پر منتقل کر دیا جائے اور صرف انتہائی ہنگامی کیسز سے نمٹا جائے۔

اسپتال کے کسی بھی بیمار رکن کا علاج اسپتال میں نہیں کیا جائے گا، اسپتال صرف شاہی خاندان کے ارکان کے علاج کیلئے مختص رہے گا۔‘‘

 سعودی عرب میں کورونا وائرس کا پہلا کیس سامنے آنے کے 6؍ ہفتوں بعد اب یہ وبا شاہی خاندان کے افراد کو نشانہ بنا رہا ہے۔

 84؍ برس کے شاہ سلمان نے جدہ کے قریب ایک جزیرے پر قائم محل میں خودکو تنہا کرلیا ہے جبکہ ولی عہد شہزادہ محمد بن سلمان نے بھی کچھ وزراء کے ہمراہ خود کو الگ مقام پر محدود کر دیا ہے۔

آپ کی راۓ

چیف ایڈیٹر

دفتر

  • محکمہ اطلاعات رجسٹریشن : ٧٧١
  • news.carekhabar@gmail.com
    بشال نگر، کاٹھمانڈو نیپال
Flag Counter