جامعہ ملیہ اسلامیہ (جے ایم آئی) کے بایاں بازو طلبا کا پارلیمنٹ چلو جلوس جمعہ کے دن پرتشدد ہوگیا۔ دہلی پولیس نے جلوس کو روکنے کی کوشش میں احتجاجیوں پر لاٹھی چارج کردیا۔ آل انڈیا اسٹوڈنٹس اسوسی ایشن (اے آئی ایس اے) سے وابستہ طلبا ‘ شہریت ترمیمی بل(سی اے بی) کے خلاف احتجاج کررہے تھے جو قانون بن چکا ہے۔ کئی میڈیا نمائندے بھی طلبا اور پولیس کے اس ٹکراؤ میں زخمی ہوئے۔ احتجاجی مارچ میں مقامی لوگ بھی شامل ہوگئے تھے۔ ذرائع نے یہ بات بتائی۔ ہجوم نے پولیس پر سنگباری کی جس کا جواب پولیس نے آنسو گیس شل برساکر دیا۔ لگ بھگ 50 احتجاجیوں کو حراست میں لیا گیا۔ طلبا نے تاہم تشدد کے لئے پولیس کو موردِ الزام ٹھہرایا ہے۔