میگا منی لانڈرنگ کیس میں پاکستان کے سابق صدر آصف علی زرداری کو جسمانی ریمانڈ مکمل ہونے پر آج اسلام آباد کی احتساب عدالت میں پیش کیا جائے گا۔ ویڈیو اسکینڈل کے بعد جج ارشد ملک کو ہٹائے جانے پر سابق صدر آصف زرداری کو ڈیوٹی جج محمد بشیر کے روبرو پیش کیا جائے گا۔ نیب کی جانب سے آصف زرداری کے جسمانی ریمانڈ میں مزید توسیع کی استدعا کی جائے گی۔ اس سے پہلے احتساب عدالت نے سابق صدر کا دس، پھر گیارہ اور تیسری بار تیرہ روزہ جسمانی ریمانڈ کی منظوری دی تھی۔ جیالے قائد کی پیشی پر جوڈیشل کمپلیکس اور اطراف میں سیکیورٹی کے سخت انتظامات کیے گئے ہیں۔ پیشی کے موقع پر کسی بھی غیرمتعلقہ شخص کو جوڈیشل کمپلیکس میں داخلے کی اجازت نہیں دی جائے گی۔
آپ کی راۓ