ورلڈ کپ 2019 کا بادشاہ کون ہوگا؟ فیصلہ آج ہوگا

ورلڈ کپ 2019 کا بادشاہ کون ہوگا؟ فیصلہ آج ہوگالندن: (14 جولائی 2019) ورلڈ کپ 2019 میں دنیائے کرکٹ کو نیا ورلڈ چیمپئن آج ملے گا۔ ایونٹ کا فائنل میچ آج میزبان انگلینڈ اور نیوزی لینڈ کے درمیان تاریخی گراؤنڈ لارڈز میں کھیلا جائے گا۔ورلڈ کپ کی فیورٹ ٹیم اور میزبان انگلینڈ چوتھی مرتبہ ورلڈ کپ کا فائنل کھیلے گی۔انگلش ٹیم  1992 کے بعد اب  فائنل تک رسائی حاصل کرنے میں کامیاب ہوئی ہے۔جبکہ نیوزی لینڈ کی ٹیم مسلسل دوسری بار فائنل تک پہنچنے میں کامیاب ہوئی ہے۔ سال 2015 کے ورلڈ کپ فائنل میں کیویز کو آسٹریلیا کے ہاتھوں شکست ہوئی تھی۔دونوں ٹیمیں پہلی بار میگا ایونٹ میں تاریخی گراؤنڈ لارڈز میں آمنے سامنے ہوں گی ۔دونوں ٹیمیں ابھی تک کوئی ورلڈ کپ نہیں جیت پائیں۔ 2011اور 2015 کے ورلڈ کپ میں میزبان ٹیموں نے کامیابی حاصل کی۔ 2011 میں بھارت اور 2015 میں آسٹریلیا ورلڈ چیمپیئن بنا۔ایک بار پھر ایسا موقع آیا ہے کہ میزبان انگلینڈ کی ٹیم اپنی سرزمین پر فائنل کھیل رہی ہے۔ ورلڈ کپ کی تاریخ پر نظردہرائی جائے تو آسٹریلیا کی ٹیم پانچ بار عالمی چیمپئن رہ چکی ۔ ویسٹ انڈیز اور بھارت نے 2،2 مرتبہ ورلڈ کپ جیتا۔ پاکستان اور سری لنکا نے ایک ، ایک مرتبہ ورلڈ چیمپئن ہونے کا اعزاز حاصل کیا ہے۔