گاڑی پر سفر کر رہا تھا جب اُس کی گاڑی الفیاہ کے علاقے میں حادثے کا شکار ہو کر کئی قلابازیاں کھاتی ہوئی دُور جا گری۔ جس کے باعث سیاح کی موقع پر ہی موت واقع ہو گئی جبکہ گاڑی میں سوار اُس کے تین دوست اور ڈرائیور شدید زخمی ہو گئے۔پولیس نے بتایا کہ یہ افراد صحرا کی سیر کے بعد واپس جا رہے تھے جب محافظ روڈ پر اُن کیگاڑی حادثے کا شکار ہو گئی۔ یہ حادثہ تیز رفتاری کے باعث پیش آیا، گاڑی کا ڈرائیور اپنا کنٹرول نہ رکھ سکا اور گاڑی کئی قلابازیاں کھاتی ہوئی دُور پہاڑی ٹیلے پر جا گری۔تمام زخمیوں کو الزاہد ہسپتال منتقل کیا گیا، جہاں 27 سالہ سوڈانی سیاح کی موت کا اعلان کر دیا گیا۔

جبکہ باقیوں کا علاج جاری ہے، جن کی حالت اب بہتر بتائی جا رہی ہے۔ پولیس ترجمان کا کہنا تھا کہ سڑکوں پر تیز رفتاری کے حوالے سے آگاہی مہم چلانے کے باوجود اکثر ڈرائیورز اس خطرناک حرکت سے باز نہیں آتے، جس کا نتیجہ مہلک حادثات کی صورت میں سامنے آتا ہے۔ اسی نوعیت کی خلاف ورزیوں کو پکڑنے کے لیے روڈز پر موبائل ریڈارز، کیمروں اور پولیس پٹرولنگ میں اضافہ کر دیا گیا ہے۔ خاص طور پر ویک اینڈز کے موقع پر پولیس کی پٹرولنگ ٹیمیں زیادہ حادثات والے علاقوں میں تعینات کی جاتی ہیں۔ رواں سال فروری کے مہینے میں ایک بھارتی خاندان حادثے کا شکار ہو گیا تھا ، جس کے نتیجے میں میاںبیوی موقع پر ہی دم توڑ گئے جبکہ اُن کے دو بچے اور ایک قریبی رشتہ دار زخمی ہوا تھا۔