کابل کے ٹیوشن سنٹر میں خودکش دھماکہ‘ 48 افراد ہلاک

16 اگست, 2018

افغانستان کے دارالحکومت کابل کے ایک تعلیمی مرکز میں کئے گئے بم دھماکہ میں 48 افراد ہلاک اور 67 زخمی ہوگئے ہیں۔ پولیس نے بتایا کہ ایک خودکش بمبار ‘ مرکز میں داخل ہوا جہاں تدریس کا سلسلہ جاری تھا۔ اس نے خود کو دھماکہ سے اڑالیا۔ کئی مہلوکین کمسن ہیں جو یونیورسٹی انٹرنس امتحان کی تیاری کے لئے ٹیوشن لے رہے تھے۔ عہدیداروں نے بتایا کہ شمالی صوبہ بغلان میں کئے گئے ایک حملہ میں کم ازکم 9 پولیس ملازمین اور 35 فوجی ہلاک ہوگئے۔ طالبان نے کابل کے شیعہ اکثریتی علاقہ میں کئے گئے دھماکہ میں ملوث ہونے کی تردید کی ہے۔ ساتھ ہی ساتھ طالبان نے یہ بھی کہا کہ وہ افغانستان میں برسرخدمت ریڈ کراس کے عملہ کے لئے محفوظ گذرگاہ کی مزید ضمانت نہیں دے سکتے۔ واضح رہے کہ کابل کی ایک جیل میں طالبان قیدیوں کے علاج کے سلسلہ میں تنازعہ جاری ہے ۔ تعلیمی مرکز پر مقامی وقت کے مطابق 4 بجے دن حملہ کیا گیا۔ پولیس ترجمان حشمت ستانک زئی نے بتایا کہ ہم یہ توثیق کرسکتے ہیں کہ یہ حملہ ایک خودکش بمبار نے کیا ہے جو پیدل آیا تھا۔

آپ کی راۓ

چیف ایڈیٹر

دفتر

  • محکمہ اطلاعات رجسٹریشن : ٧٧١
  • news.carekhabar@gmail.com
    بشال نگر، کاٹھمانڈو نیپال
Flag Counter