، ترانہ ” سارے جہاں سے پیارا نیپال ہے ہمارا "

انصر نیپالی

سارے   جہاں سے پیارا نیپال ہے ہمارا

بن کر چمک رہا ہے آنکھوں میں سب کے تارا

یہ اونچے اونچے پربت  یہ مسکراتے پودے

قدرت نے اس کو بخشا کتنا حسیں نظارا

لوری سنا رہیں ہیں تالاب اور ندیاں

 چشمے  ہیں گنگناتے موجوں کا  ہے  کنارا

جنگل ہرے بھرے ہیں، شاداب کھیتیاں ہیں

سر سبز وادیوں کو  پھولوں نے  ہے نکھارا

!اے دامن "ہمالہ ”  تو ہے نشان عظمت

چھو کر ترے لبوں کو افلاک نے سنوارا

ہیمال "، ہو "پہاڑی” یا ہو "ترائی ” خطہ”

"میچی” سے” مہا کالی” نیپال ہے ہمارا

شمس و قمر کا پرچم ہاتھوں میں ہے ہمارے

خاک وطن کا ذرہ ہے نور کا منارا

مذہب سے ہے عقیدت ، تہذیب سے ہے الفت

انسانیت کا رشتہ  مضبوط ہے ہمارا

کوئی ہماری جانب نظریں اٹھا کہ دیکھے

مجھ کو نہیں گوارا اپنا وطن ہے پیارا

!انصر کی یہ دعا ہے یارب رہے سلامت 

سب کا ہے یہ دلارا ، ہر دل کا ہے سہارا

طالب دعا : انصر  نیپالی