فاصلے سے ہی سہی حسنءسماعت کے لئے

۔۔سید نورجہاں

قطرہء اشک ہوں پلکوں پہ سجاؤ تو سہی
غم مرا اپنے بھی کاندھے پہ اٹھاؤ تو سہی
۔۔
پھر اجالے درو دیوار پہ ہو جائیں گے
تم چراغوں کی طرح خود کو جلاؤ تو سہی
۔۔۔
تیری یادوں کو سجا رکھا ہے آ کر دیکھو
منتظر میں ہوں میرے گھر کبھی آؤ تو سہی
۔۔
فاصلے سے ہی سہی حسنءسماعت کے لئے
تم کوئی گیت محبت کا سناؤ تو سہی
۔۔۔
اپنے حصے کی خوشی صرف طلب کی تم سے
نور نے کب کہا پلکوں کو بچھاؤ تو سہی
۔۔۔۔۔۔۔۔۔
۔۔۔۔۔۔۔۔۔۔۔۔۔۔۔سید نورجہاں۔۔۔۔۔۔۔۔۔