ایک نیپالی کسان کی آہ و فریاد

انصر نیپالی

21 اکتوبر, 2021
اپنی بدحالی پہ یارب رو رہا ہے یہ کسان
کتنی امیدوں سے محنت سے لگایا تھا یہ دھان
قدرتی آفات نے یارب ڈبو دی بالیاں
آہ! فاقوں سے نہ مرجائے کسی کا خاندان
دیکھتا ہے حسرتوں سے پھر سے سورج کی طرف
کیوں نظر آتا نہیں ہے جگمگاتا آسمان
یا الٰہی! بادلوں کو بھیج دے کہسار پر
معاف کردے بھول میری تو بہت ہے مہربان
یا الٰہی! تو ہی کھیتوں سے اگاتا ہے اناج
بس مری محنت کا پھل دیدے اے رب انس وجان
پوری دنیا کے کسانوں کو نصیحت ہے مری
عقل کی مت مان لیکن اپنے رب کی بات مان
یا الٰہی! سن لے تو مغموم انصر کی دعا
ڈال دے تو اپنی رحمت سے مری فصلوں میں جان
طالب دعا: انصر نیپالی

آپ کی راۓ

چیف ایڈیٹر

دفتر

  • محکمہ اطلاعات رجسٹریشن : ٧٧١
  • news.carekhabar@gmail.com
    بشال نگر، کاٹھمانڈو نیپال
Flag Counter