کورونا وائرس کا یہ عجب طوفان آیا ہے
جدھر جاؤ جدھر دیکھواسی کا خوف چھایا ہے
سنا تھا نام نہ پہلے کبھی ایسی بیماری کا
یہ دنیا میں تباہی کا نیا سامان لایا ہے
بلائے آسمانی ہے، یہ قدرت کی نشانی ہے
کورونا نام سے انسان سہما بوکھلایا ہے
سبق سارے جہاں کے واسطے اس میں ہے پوشیدہ
خدا نے اپنی قدرت کا ہمیں منظر دکھایا ہے
نہیں رکتا ہے روکے، سلسلہ اموات کا اس میں
خدائی قہر سے انساں کا حیلہ مات کھایا ہے
علاجوں پر جسے تھا ناز، وہ ہارا کورونا سے
وہ اوندھے منہ گرا ہے جس نے سر اپنا اٹھایا ہے
خدائی دعوہ کرنے سے ، خدا ناراض ہوتا ہے
کورونا نے سبق دنیا کو عبرت کا سکھایا ہے
خدا کے حکم پر انسان کو چلنا ضروری ہے
خدا ہی نے ہمیں قرآن میں سب کچھ بتایا ھے
خدا سے دور ہوکے ہم پڑے ہیں خواب غفلت میں
کورونا نے اے سالک آکے ہم سب کو جگایا ہے
آپ کی راۓ